မဟာနာမ် လျှောက်ထားချက် ( သေလွန်ပြီးသောအခါ )

ကပိလဝတ်ပြည် ၊ နိဂြောဓာရုံ ကျောင်းတော်၌ ဗုဒ္ဓမြတ်စွာ သီတင်းသုံးနေတော်မူစဉ်အခါ ဖြစ်၏ ။ ထိုအခါ မဟာနာမ် သာကီဝင်မင်းသည် ဗုဒ္ဓထံသို့ရောက်လာချဉ်းကပ်ကာ ဤသို့ လျှောက်ထားလေ၏။

" အရှင်ဘုရား - ဤကပိလဝတ်ပြည်သည် လူဦးရေ ထူထပ်ပေါများ၍ စည်ကားလှပါ၏ ။ လမ်းတို လမ်းရှည်နှင့် ဈေးအိမ်တို့လည်း များပြားလှပါ၏ ၊ အရှင်ဘုရား - တပည့်တော်သည် မြတ်စွာဘုရားကို လည်းကောင်း ၊ သံဃာတော်ကို လည်းကောင်း ဆည်းကပ်ခစားပြီး၍ ညနေချမ်းအချိန်၌ ကပိလဝတ်သို့ ဝင်သည်ရှိသော် ပြေးလွှာနေသော ဆင်နှင့်လည်း တွေ့ဆုံရပါ၏ ၊ မြင်း - ရထား - လှည်းတို့နှင့်လည်း တွေ့ဆုံရပါ၏ ၊ အရှင်ဘုရား - ထိုအခါမျိုး၌ တပည့်တော်အား မြတ်စွာဘုရားကို အာရုံပြုသောစိတ်သည် လွတ်သည်သာတည်း ၊ တရာေးတာ် ၊ သံဃာတော်တို့ကို အာရုံပြုသောစိတ်သည် လွတ်သည်သာတည်း ။

" အရှင်ဘုရား - ထိုအခါ ' ငါသည် ဤအချိန်၌ သေရမူ ဘယ်ဘဝသို့လားရောက်ရပါမည်နည်း ' ဟု တွေးတောမိပါသည် ဘုရား " ဟု လျှောက်ထား၏ ။

ထိုအခါ မြတ်စွာဘုရားက " မဟာနာမ် - သင်မကြောက်ပါနှင့် ၊ မစိုးရိမ်ပါနှင့် ၊ သင့်အား မယုတ်ညံ့သော သေခြင်းဖြစ်လတ္တံ့ ။

" မဟာနာမ် - အကြင်သူသည် ရှည်မြင့်စွာသော ကာလပတ်လုံး ယုံကြည်မှုသဒ္ဓာဖြင့် ထုံအပ်သော စိတ် ၊ ဆောက်တည်မှု သီလ ၊ အကြားအမြင် သုတ ၊ စွန့်ကြဲမှု စာဂ ၊ အသိဉာဏ် ပညာတို့ဖြင့် ထုံအပ်သော စိတ်ရှိသူဖြစ်၏ ၊ ထိုသူ၏ ခန္ဓာ ရုပ်သည် မဟာဘုတ်လေးပါး အစုအဝေးဖြစ်၏ ၊ ထမင်း , မုန့် စသော အစာအဟာရတို့ဖြင့် ကြီးပွားရ၏ ၊ ပြုပြင် ထိန်းမတ်ပေးရခြင်း သဘောရှိ၏ ၊ မတည်မြဲခြင်း ၊ ပြိုကွဲပျက်စီးခြင်း သဘောရှိ၏ ၊

" ထိုခန္ဓာကိုယ်ရုပ်ကို ကျီးငှက်တို့လည်း ထိုးဆိတ်ကုန်၏ ၊ တောခွေး ၊ အိမ်ခွေးနှင့် ပိုးလောက်တို့လည်း ခဲစားကြကုန်၏ ၊ သို့သော် မဟာနာမ် - ထိုသူ၏ သဒ္ဓါ ၊ သီလ ၊ စာဂ ၊ ပညာတို့ဖြင့် ရှည်မြင့်စွာသော ကာလပတ်လုံး ထုံအပ်သော စိတ်သည်ကား အထက်သို့သာ တက်လေ့ရှိပေ၏ ၊ ထူးခြားစွာ သွားလေ့ရှိပေ၏ ။

( အားကြီးရာသို့ ကိုင်းညွတ်ခြင်း )

" မဟာနာမ် - ဥပမာအားဖြင့်ကား ထောပတ်အိုးကို ရေအိုင်ထဲ၌ ရိုက်ခွဲလိုက်သောအခါ အိုးခြမ်းကွဲတို့သည် ရေအောက်သို့ ကျရောက်၍ ထောပတ်တို့သည် ရေပေါ်သို့ တက်ရောက်ကုန်သကဲ့သို့တည်း ။

" မဟာနာမ် အရှေ့အရပ်သို့ ကိုင်းညွှတ်လျက်ရှိသော သစ်ပင်ကို အရင်းမှ ဖြတ်ပိုင်းသော် ထိုသစ်ပင်သည် အဘယ်အရပ်သို့ လဲကျပေမည်နည်း ၊ မဟာနာမ် ထိုသစ်ပင်သည် အရှေ့အရပ်သို့သာလျှင် လဲကျမည် မဟုတ်လား ။

" မဟာနာမ် - ထိုဥပမာအတိုင်းပင်တည်း ၊ အရိယာပုဂ္ဂိုလ်တို့ နှစ်သက်သော သူတော်ကောင်းတရားနှင့် ပြည့်စုံ ထုံမွမ်းပြီးသူသည် နိဗ္ဗာန်သို့ ရှေ့ရှုကိုင်းညွတ်သည်သာဖြစ်၏ ၊ ထို့ကြောင့် မဟာနာမ် - စိုးရိမ်ကြောင့်ကြ မဖြစ်ပါနှင့် ၊ သင်၏သေခြင်းသည် ကောင်းသောသေခြင်း ဖြစ်လတ္တံ့ ၊ သင်၏ လားရာဂတိသည် မယုတ်ညံ့သော ဂတိ ဖြစ်လတ္တံ့ " ဟု မိန့်ကြားတော်မူ၏ ။

( မဟာဝဂ္ဂ သံယုတ်ပါဠိတော် ၊ သောတာပတ္တိသံယုတ် ၊ သရဏာနိဝဂ် ၊ မဟာနာမသုတ် )

BTNR မှ ဆရာလေးမြိုင်၏ ဗုဒ္ဓ၏ ဝါဒစစ်ပွဲများ စာအုပ်မှ ကူးယူဖော်ပြခြင်းဖြစ်ပါသည် ။

World Of Wisdom