ရှင်ဥပဂုတ်သည် ထေရ၀ါဒပိဋကတ်တော်လာ ပုဂ္ဂိုလ်လော

ထေရ၀ါဒဗုဒ္ဓဘာသာ ကိုးကွယ်မှုများထဲတွင် မဟာယာနဂိုဏ်းမှ အယူအဆများကို ရောနှောလက်ခံနေသည်ကိုလည်း တွေ့ရ၏။ ထိုအယူများအနက် ရှင်ဥပဂုတ် ကိုးကွယ်မှုသည် ရှေ့တန်း၌ ရှိနေလေသည်။

ရှင်ဥပဂုတ္တမထေရ်၏ အတ္ထုပ္ပတ်သည် မဟာယာနဂိုဏ်းသုံး ကျမ်းစာဖြစ်သော
ဒိဗျာဝဒါနကျမ်းမှ ဖန်တီးပေးလိုက်သော ဇတ်လမ်းဖြစ်သည်။
ရှင်ဥပဂုတ်မထေရ်သည် ဣန္ဒဂုတ္တ၊ အဿဂုတ္တ၊ တိဿနာဂ၊ ဥပဂုတ္တတိဿနာဂ၊ အာဂတ်စတယမုနိဟူသော ဘွဲ့မည် အမျိုးမျိုးဖြင့်ထင်ပေါ်ကျော်ကြားသူဖြစ်သည်။

ရှင်ဥပဂုတ်မထေရ်နှင့် ပတ်သက်၍ ထေရ၀ါဒ ပိဋကတ်တော် အဋ္ဌကထာတို့၌
ကျယ်ပြန်စွာမပါရှိပေ ။ ထိုမထေရ် အကြောင်းကို သာသနာနှစ် ၈၀၀ ခန့်က
ရှင်မဟာနာမရေးသော မဟာဝင်ဝတ္ထု၌ ဖော်ပြခဲ့သည်။ ရှင်မဟာနာမသည် မဟာယာနကျမ်းစာ ဒိဗျာဝဒါနမှ ထုတ်ယူ၍ တင်ပြခဲ့ခြင်း ဖြစ်ပါမည် ။

မဟာဝင်ကျမ်းလာစကားတို့ကို ယူ၍ မြန်မာကျမ်းပြု ဆရာတို့ကလည်း
ဖော်ပြခဲ့ကြပြန်သည် ။ မဟာရာဇ၀င်ကြီး ၊ လောကပညတ္တိကျမ်း၊ ဇိနတ္ထ ပကာသနီကျမ်း တို့တွင် ထိုမထေရ်၏ အတ္တုပ္ပတ်ကို ကူးယူထည့်သွင်းခဲ့ကြသည် ။ ထိုအခါမှ မြန်မာတို့၏ စိတ်တွင် ရှင်ဥပဂုတ္တဟူသော ဇတ်လမ်းသစ်ကို လက်ခံရရှိခဲ့ကြသည် ။ အစွမ်းကောင်းသော
မထေရ်တပါး အဖြစ် မြန်မာတို့၏ နှုတ်ဖြားတွင် တွင်ကျယ်လာခဲ့လေသည် ။

ရှင်ဥပဂုတ်မထေရ်သည် တောင်သမုဒ္ဒရာ၌ ကြေးပြာဿဒ်ဖြင့် နေသည်။ ယနေ့တိုင် အသက်ရှင်လျှက် ရှိနေသေးသည် ဟုလည်း ကြံကြီးစည်ရာ ယုံကြည်နေကြသည် ။ ထို့ကြောင့်မြန်မာတို့သည် ရှင်ဥပဂုတ်ပုံကို ထုလုပ်၍ ဖောင်နှင့်မျှောကာ ပူဇော်ပွဲများ ပြုလုပ်ကြသည် ။

ရှင်ဥပဂုတ်သည် လေမုန်တိုင်းကျခြင်း ၊ မိုးရွာခြင်း ၊ ရေလွှမ်းခြင်း ၊ မိုးကြိုးပစ်ခြင်း စသောအန္တရာယ်တို့ကို ကာကွယ်ပေးနိုင်မည် ဟုလည်း ယုံကြည်ကြသည် ။ မြန်မာနိုင်ငံတွင် ရှင်ပြုအလှုပွဲစသည် ပြုလုပ်လျှင် လေမိုးအန္တရာယ်ကင်းစေရန် ရှင်ဥပဂုတ်ရုပ်ထုကို
ကန်တော့ပွဲဖြင့် တင်သ၍ ပူဇော်ထားကြရသည်။

မြန်မာပြည်တွင် နောက်ခေတ်မှတည်ထားသော အချို့သော ဘုရားထီး အတွင်း၌လည်း ရှင်ဥပဂုတ်ကျောင်းဆောင်လေးများကို ထည့်သွင်းလေ့ရှိကြသည် ။ မိုးကြိုး အန္တရာယ် စသည်ကင်းစေရန်ဖြစ်သည်။

နောက်ပိုင်းတွင် ရှင်ဥပဂုတ်မထေရ်သည် ဂုဏ်းဆရာ လုပ်သူတို့၏ လက်ထဲ ရောက်သွားရာ
စိတ္တဇဝေဒနာအတွက် အသုံးချခံတပါး ဖြစ်သွားရပြန်သည် ။
ရှင်ဥပဂုတ်သာမဟုတ်၊ ရှင်မဟာကဿပကဲ့သို့သော မထေရ်များလည်း ပါဝင်နေကြသည် ။
ထိုမထေရ်များကို အုပ်စုဖွဲ့ပေးကာ သေ ၄ပါး ၊ ရှင် ၄ပါး ဟူ၍ခေါ်ဆိုထားကြသည် ။
ထိုမထေရ် ၈ ပါးတို့မှာ အသေထွက် ပုဂ္ဂိုလ်နှင့် အရှင်ထွက် ပုဂ္ဂိုလ်များ ဟူ၍လည်း လက်ခံထားကြပြန်သည် ။

ရှင် လေးပါးစာရင်း၌ အောက်ပါမထေရ်တို့ ပါဝင်သည် ။

(၁) ရှင်ဥပဂုတ်သည် တောင်သမုဒ္ဒရာ၌ ကြေးပြာဿဒ် ဖြင့်နေသည် ။
(၂) ရှင်ခေမရထေရ်သည် အနောက် သမုဒ္ဒရာ၌ ကြေးပြာဿဒ် ဖြင့်နေသည် ။
(၃) ရှင်ဘဒ္ဒမထေရ်သည် မြောက်သမုဒ္ဒရာ၌ ရွှေပြာဿဒ် ဖြင့်နေသည် ။
(၄) ရှင်အက္ကောသာရမထေရ်သည် အရှေ့သမုဒ္ဒရာ၌ ရွှေပြာဿဒ် ဖြင့်နေသည် ။

မထေရ် ၄ ပါးကို နေရာ ၄ မျိုးခွဲတမ်းချထားရာ မြန်မာပြည်သားတို့အတွက်
ရှင်ဥပဂုတ်သာလျှင် ပူဇော်ခွင့် ရနိုင်ကြ၏။ တောင်အရပ်၌သာ သမုဒ္ဒရာရှိသောကြောင့် ရှင်ဥပဂုတ်သာလျှင် မြန်မာပြည်သားတို့အတွက် တာစားသော ကိုယ်တော်ဖြစ်နေ၏ ။

သေ လေးပါး စာရင်း၌ အောက်ပါမထေရ်တို့ ပါဝင်သည် ။

(၁) ရှင်မဟာကဿပ သည် ဝေဘာရတောင် ကျောက်ဖြာထက်၌ရှိသည် ။
(၂) ရှင်မဟာသံသာရ သည် ဥတ္တမတောင်၌ရှိသည် ။
(၃) ရှင်ဥပေက္ခ သည် မကုလတောင်၌ရှိသည် ။
(၄) ရှင်ဓမ္မသာရ သည် မကုလတောင်၌ရှိသည် ။

မြန်မာနိုင်ငံမှ ပုဂ္ဂိုလ်တို့သည် ရှင်မဟာကဿပ အသေထွက်ရှိရာ အလောင်းတော် ကဿပကို အလေးထား၍ သွားရောက်လေ့ရှိကြသည် ။

ရှင်မဟာကဿပ ပြဿနာကလည်း ရှုပ်ထွေးသည်။ ပုဂံခေတ် အရည်းကြီးဂုဏ်းခေါင်းဆောင် ရှင်မဟာကဿပသည် ထိုနေရာသို့ သွား၍ ပျံတော်မူသည်ဟု ဇတ်လမ်းလုပ်ထားကြသည် ။

ဘုရားရှင်၏ သာဝကကြီးဖြစ်သော ပထမသံဂါယနာတင် ဦးဆောင် အရှင်မဟာကဿပကြီးသည် ထိုနေရာသို့ လာရောက်၍ ပရိနိဗ္ဗာန် ပြုသည်ဟုလည်း ပြောကြသေးသည် ။

အမှန်မူ အလောင်းတော် ကဿပဋ္ဌာနသည် အရည်းကြီးခေါင်းဆောင် ရှင်ကဿပ နှင့်လည်း မသက်ဆိုင်ပါ။ သံဂါယနာတင် အရှင်မဟာကဿပ၏ ပရိနိဗ္ဗာန်ပြုရာလည်း မဟုတ်။ ထိုရှင်မဟာကဿပကြီး ပရိနိဗ္ဗာန်ပြုရာ ဝေဘာရတောင်နှင့် အလားတူသော ပထ၀ီ အနေအထားကို ရှာ၍ အတုပြုလုပ်ကိုးကွယ်ခဲ့သော
အလောင်းတော်ကဿပ အတုသာလျှင် ဖြစ်ပါသည် ။

ဗုဒ္ဓစာပေ၌ လာသော ဖြစ်စဉ်တို့ကို ကြည့်၍ ပထ၀ီအနေအထားကိုရှာဖွေလျှက် ခြေတော်ရာ များကိုလည်း ဤသို့ပင် ထုလုပ်ကိုးကွယ်ခဲ့ကြသည် မဟုတ်လော။

ချုပ်၍ဆိုရလျှင် ရှင်ဥပဂုတ်မထေရ်သည် ထေရ၀ါဒပိဋကတ်တော်လာ ပုဂ္ဂိုလ်မဟုတ် ။
မဟာယာနဂိုဏ်းလာ စာအုပ်ထဲက ကူးနုတ်ထားသော ထေရုပ္ပတ္တိသာ ဖြစ်သတည်း ။

                              ထေရ၀ါဒဗုဒ္ဓဘာသာ၊ အရှင်ဧသိက စာ - ၁၃၃
                                      ........................................