လူတိုင်း ဘုရား ဖြစ်နိုင်ပါသလား

မေး။ ။ အားလုံးပဲ မင်္ဂလာပါ။
ဖြေ။ ။ ဟုတ်ကဲ့။ အစ်ကိုရေ မင်္ဂလာပါ။
မေး။ ။ ကျနော်သိချင်တာလေး
 မေးပါရစေ။
ဖြေ။ ။ ကျနော်တို့လည်း ကိုယ်သိထားသလောက် ပြန်မျှပါ့မယ်။

မေး။ ။ လူတိုင်း ဘုရားဖြစ်ခွင့်ရှိပါသလားခင်ဗျာ။ ဘုရားလို့ ဘာလို့ ခေါ်ပါသလဲ။

ဖြေ။ ။ လူတိုင်းလူတိုင်းမှာ ဆင်းရဲဒုက္ခတွေ ရှိကြတယ်လေ။ အဲဒီဆင်းရဲဒုက္ခနဲ့ တွေ့ရတဲ့အခါတိုင်း အားကိုးရာရှာတတ်ကြတယ်လေ။ ကိုယ့်ရဲ့ ဆင်းရဲဒုက္ခကို ပယ်ဖျောက်ပေးမယ့်ပုဂ္ဂိုလ်၊ တနည်း ချမ်းသာ သုခသို့ ရောက်အောင် စောင့်ရှောက်ပေးနိုင်မယ့် ပုဂ္ဂိုလ်မျိုးကို “ဘုရား”လို့ ခေါ်ကြတယ်။ အဲဒီဘုရားကို အားလည်းကိုးသလို ဘေးရန်နဲ့ တွေ့လာလျှင်လည်း ကာကွယ်ပေးမယ့် ကာကွယ်စရာ အနေနဲ့ သဘောထားကြတာမို့ “ကိုးကွယ်”တယ်လို့ ခေါ်တာပေါ့။

မေး။ ။ ဘယ်လိုတွေကျင့်ရင် ဘုရားဖြစ်တာလဲ။

ဖြေ။ ။ ဘုရားဖြစ်ဖို့ ပါရမီတွေ ဖြည့်ရပါတယ်။

မေး။ ။ ဘယ်လိုကျင့်တာကို ပါရမီလို့ ခေါ်ပါသလဲ။
ဖြေ။ ။ ကိုယ်ကျိုးကို အဓိက မထားဘဲ သူတစ်ပါးအကျိုးကို၎င်း၊ သံသရာမှ လွတ်ဖို့ကို၎င်း ရည်မှန်း ပြီး ပြုလုပ်ရသော လုပ်ငန်းကို ပါရမီလို့ ခေါ်ပါတယ်။

မေး။ ။ ဒါဆို ဘုရားလောင်းတွေဟာ ပါရမီ ဘယ်လောက် ကျင့်ရပါသလဲ။ ကျနော့ကို မေးခွင့်တော့ ပေးပါနော်။ သိချင်တာတွေ များနေလို့။

ဖြေ။ ။ ရပါတယ်။ ကျနော်လည်းသိသလောက်ပြန်ဖြေပါ့မယ်။ ဒီလိုလေ…ဘုရားဖြစ်ဖို့ ပါရမီက အကျဉ်း အနေနဲ့ (၁၀)ပါး၊ အကျယ်အနေနဲ့ဆိုရင်တော့ အပြား(၃၀)ကျင့်ရပါတယ်။ ဒါ့အပြင်လည်း စွန့်နိုင်ခဲသော စွန့်ခြင်းကြီးငါးပါး ကိုပါ ဖြည့်စွန့်တော်မူခဲ့ပါတယ်။

မေး။ ။ ဟုတ်လား။ ဒါဆို ပါရမီတော်အကျဉ်းက ဘာ။ အကျယ်က ဘာကိုပြောသလဲဆိုတာလေး ရှင်းပါဦးဗျာ။

ဖြေ။ ။ အကျဉ်း(၁၀)ပါးအရင်ပြောမယ်နော်။
၁။ ဒါနပါရမီ
၂။ သီလပါရမီ
၃။ နေက္ခမ္မပါရမီ
၎။ ပညာပါရမီ
၅။ ၀ီရိယပါရမီ
၆။ ခန္တီပါရမီ
၇။ သစ္စာပါရမီ
၈။ အဓိဋ္ဌါန်ပါရမီ
၉။ မေတ္တာပါရမီနဲ့ 
၁၀။ ဥပေက္ခာပါရမီတို့ပဲပေါ့။

မေး။ ။ အဲဒီ(၁၀)ခုကိုတော့ နောက်မှ အသေးစိတ်ရှင်းပြပေးပါ။ ခုတော့ နောက်ထပ် အကျယ် အပြား(၃၀) ဆိုတာလေး ရှင်းပေးပါဦး။

ဖြေ။ ။ဟုတ်ကဲ့ပါ။
၁။ပါရမီအနေနဲ့ (၁၀)ပါး
၂။ ဥပပါရမီအနေနဲ့(၁၀)ပါး
၃။ ပရမတ္ထပါရမီအနေနဲ့က (၁၀)ပါး ပေါင်းတော့ အပြား(၃၀)ဖြစ်သွားရော။
နေဦး။ ကျနော် အဲဒါလေးပါ ထပ်ရှင်းမယ်နော်။ ခင်ဗျား အချိန်ရရဲ့လား။

မေး။ ။ ဟာ..ရပါတယ်။ ကျနော်က သိချင်တဲ့သူပဲ။ ရှင်းမယ့်သူရှိလို့ကတော့ ကျနော်သိချင်ပါသေးရဲ့။

ဖြေ။ ။ပထမတစ်ခုဖြစ်တဲ့ ပါရမီဆိုတာက ခု ကျနော်တို့ ခင်ဗျားတို့ လှူကြ၊ တန်းကြသလို ၀တ္တုပစ္စည်း တွေ လှူတာမျိုး။ နောက် ဥပုသ်သီလစောင့်ထိန်းခြင်းဆိုတဲ့ ကောင်းမှုကုသိုလ်တွေ လုပ်တာမျိုးကို ဆိုလိုတာပါ။ 

နောက် ဒုတိယအနေနဲ့ ဥပပါရမီဆိုတာကတော့ မျက်လုံးတွေ ထုတ်လှူတယ်။ ခြေ၊ လက်အင်္ဂါတွေ လှူတယ်။ ခြေလက်အင်္ဂါတွေကို အနစ်နာခံပြီး သီလတွေ စောင့်တယ်။ အဲလို ကုသိုလ် ကောင်းမှုမျိုးကို ခေါ်တာပါ။

တတိယတစ်ခုဖြစ်တဲ့ ပရမတ္ထပါရမီကတော့ အသက်ကို လှူခြင်း၊ အသက်စွန့်ပြီး သီလစောင့်ခြင်း၊ နောက် သူတစ်ပါးအသက်ကို ကယ်ဆယ်ခြင်း စတဲ့ ကောင်းမှုမျိုး လုပ်ဆောင်ခြင်းကို ပရမတ္ထပါရမီလို့ ခေါ်တယ် လို့ ကျနော် နားလည်ထားတာလေး ပြောပြတာပါနော်။

မေး။ ။ ဟုတ်ကဲ့ပါ။ စွန့်ခြင်းကြီးငါးပါးဆိုတာကရော တစ်လက်စထဲ ရှင်းပေးပါဦး။

ဖြေ။ ။ ဘုရားဖြစ်ရန် သမ္မာသမ္ဗောဓိဆုပန် အလောင်းတော်များ လိုက်နာ ကျင့်ကြံ အားထုတ်ရသည့် ပါရမီဖြည့်ခြင်းဆိုင်ရာ စည်းမျဉ်းကြီးငါးချက်ကတော့ 
(၁) ဓနပရိစ္စာဂ - ပစ္စည်းဥစ္စာ စည်းစိမ်ဟူသမျှကို စွန့်လှူခြင်း။
(၂) အင်္ဂပရိစ္စာဂ - ခြေလက်စသော ကိုယ်အင်္ဂါ အစိတ်အပိုင်းကို စွန့်လှူခြင်း။
(၃) ပုတ္တပရိစ္စာဂ - သားသမီးတို့ကို စွန့်လှူခြင်း။
(၄) ဘရိယပရိစ္စာဂ - မယားကို စွန့်လှူခြင်း
(၅) ဇီဝိတပရိစ္စာဂ - မိမိအသက်ကို စွန့်လှူခြင်း တို့ပဲပေါ့။

မေး။ ။ အော်…ဟုတ်ကဲ့ပါ။ ဒီလောက်ထိသိရတာကို ၀မ်းသာလှပါပြီ။ ဒါနဲ့ အဲလို ပါရမီတွေ ဖြည့်ဖို့ကျ အချိန်ဘယ်လောက်ပေးရလဲဆက်ပါဦးဗျာ။ ပြောလက်စနဲ့ ထပ်သိချင်လာလို့။

ဖြေ။ ။ ကျနော်တို့ မြတ်ဗုဒ္ဓအလောင်းအလျာဟာ အဲဒီပါရမီ အမျိုးမျိုးကို နိယတ ဗျာဒိတ်တော် ရပြီးတဲ့နောက် လေးအသင်္ချေနဲ့ ကမ္ဘာ တစ်သိန်း ကာလကြာအောင် ဖြည့်ကျင့်တော်မူခဲ့ရတယ်။ နိယတ ဗျာဒိတ် မရခင်ကတည်း ကိုက ပါရမီတွေကို ဖြည့်လာခဲ့ပါတယ်။ နောက်တော့…..

မေး။ ။ ခဏနော်။ ကျနော် စကားဖြတ်မေးချင်လာလို့။ အဲဒီ လေးသင်္ချေဆိုတာလေး နည်းနည်း ရှင်းပြပါလား။ အားတော့နာပေမယ့်….။

ဖြေ။ ။ အော်..ဟုတ်ကဲ့ပါ။ ကျနော် ဖတ်ဖူး မှတ်ဖူး ထားတာလေးနဲ့ ရှင်းပြမယ်နော်။
တစ်သင်္ချေဆိုတာ ကလည်း ကမ္ဘာပေါင်းများစွာ ရေတွက်လို့ မရအောင် အချိန်ကာလအားဖြင့် ကြာတယ်တဲ့နော်။ အဲ… တစ်ကမ္ဘာဆိုတာကျလည်း ကြည့်ပါဦး။ အဲဒီအကြောင်း စာပေမှာ ရှင်းပြထားတာတော့ တစ်ယူဇနာရှိသော ဂိုဒေါင်အတွင်းမှာ မုန်ညင်းစေ့ကလေးများကို အပြည့်သွင်းပြီး အနှစ်တစ်ရာကြာမှ တစ်စေ့ တစ်စေ့ယူပြီး ပစ်ပါတဲ့။ အဲဒီ မုန်ညင်းစေ့သာ ကုန်သွားဖွယ်ရှိမယ်။ တစ်ကမ္ဘာဆိုတဲ့ အချိန်အခါက မကုန်တတ်သေးဘူးတဲ့နော်။ ကဲ စဉ်းစားကြည့်တော့…။ ဘယ်လောက်တောင် အချိန်ကာလအားဖြင့် ကြာညောင်းလှသလဲလို့။ ကျနော်က တစ်ယူဇနာဆိုတာကို ရှာကြည့် လိုက်တော့ ၁၂.၇၂ မိုင်တောင် ရှည်လျားတယ်လေ။

မေး။ ။ အာ…မလွယ်ပါလားနော်။ အဲလောက်အချိန်အကြာကြီး ပါရမီဖြည့်ဖို့က။

ဖြေ။ ။ အင်း ဒါတောင် တစ်ချို့ဘုရားရှင်တို့ကျ နိယတ ဗျာဒိတ်တော် ရပြီးတဲ့နောက်ကို ရှစ်အသင်္ချေနဲ့ ကမ္ဘာတစ်သိန်း ဖြည့်ရတာရှိသလို တစ်ချို့ဆို ၁၆ သင်္ချေနှင့် ကမ္ဘာတစ်သိန်းတိုင်အောင် ပါရမီတွေ ဖြည့်ကျင့်ခဲ့ရ တာလေ။ အဲဒါကြောင့် သာမန်လူမလုပ်နိုင်သော အလုပ်ဆိုတာ ပေါ်လာပြီပေါ့။

မေး။ ။ ဟူး…။ ဘုရားအလောင်းအလျာဘ၀ကကိုပဲ တကယ့်ကို မကြည်ညိုပဲ မနေနိုင်တော့ပါဘူးဗျာ။
ဘာအတွက်များ အဲလောက်ထိ အပင်ပန်းခံပြီး ကျင့်ကြံခဲ့သလဲနော်။

ဖြေ။ ။ ဘာအတွက်လည်း ဆိုတာကို ပေါ်အောင် ပြောပြပါ့မယ်။ ဘယ်အချိန်ကစလို့ အဲဒီပါရမီတွေ ဖြည့်ကျင့်လာသလဲဆိုတာတော့ သိပြီးဖြစ်မယ်ထင်ပါတယ်နော်။

မေး။ ။ဟာ…ကျနော်က ခုမှလေ့လာဖူးတာပါ။ ဒါကြောင့် အဲဒီ ပါရမီတော် ဖြည့်ကျင့်လာပုံလေးကစ သိချင်ပါတယ်။

ဖြေ။ ။ ဟုတ်ကဲ့ပါ။ ဒါဆို သုမေဓာ ရှင်ရသေ့ ဘ၀ ရောက်ဖို့ကိုက ရှေ့မှာ ပါရမီတွေ ဖြည့်ခဲ့ရပုံလေး ကို ကျနော်သိသလောက် ပြန်မျှပါ့မယ်။ သေချာတော့ လိုက်မှတ်ထားမှ တော်ပေမယ်နော်။
“ စိန္တိတံ သတ္တသင်္ချေယျံ ၊ န၀သင်္ချေယျ ၀ါစကံ။
ကာသ၀ါစံ စတုချာတံ၊ ဗုဒ္ဓတ္တံ သမုပါဂမိ။” ဆိုတာလေးက စလိုက်ကြရအောင်။

မေး။ ။ အဲဒါ ဘာအဓိပ္ပါယ်လဲဗျ။ နားလည်အောင် ရှင်းပါဦး။

ဖြေ။ ။ လာမယ်လေ။ ပထမဆုံး ခုနှစ် အသင်္ချေအတွင်းမှာ မြတ်ဘုရားလောင်းတော်ဟာ ဘုရားဖြစ်ချင်စိတ်နဲ့ ပါရမီတွေ ဖြည့်ကျင့်ခဲ့ပါတယ်။

မေး။ ။ ဘယ်လို ခုနှစ် အသင်္ချေလဲဗျ။

ဖြေ။ ။ ဟုတ်။ ဒါကို သေချာလေး ပြောပြပါ့မယ်။ ဒီလိုလေ။ 

၁။ နန္ဒအသင်္ချေ
၂။ သုနန္ဒ အသင်္ချေ
၃။ ပထ၀ီ အသင်္ချေ
၎။ မဏ္ဍအသင်္ချေ
၅။ ဓရဏီ အသင်္ချေ
၆။ သာဂရ အသင်္ချေ
၇။ ပုဏ္ဍရီက အသင်္ချေ

ဆိုတဲ့ (၇) အသင်္ချေအတွင်း ပွင့်တော်မူကုန်သော “ဗြဟ္မဒေ၀” အစရှိကုန်သော တစ်သိန်း နှစ်သောင်း ငါးထောင်ကုန်သော ဘုရားရှင်တို့ကို ဖူးမြင်တွေ့ကြုံရသဖြင့် ဓမ္မဒေသနာကို ကြားနာရလေ လျှင် ဘုရားဖြစ်ချင်သော စိတ်တော်ရှိလှ၍ ဒသပါရမီ ငါးလီသော ပရိစ္စာဂတို့ကို တစ်စတစ်စ ဖြည့် တော်မူလာခဲ့ပါတယ်။ ဒါက စိတ်နဲ့ ဖြည့်ကျင့်ခဲ့တာက (၇)အသင်္ချေနော်။

မေး။ ။ အော် ..ဘုရားရှင်ပေါင်း များစွာရဲ့ ဓမ္မဒေသနာတွေ နာကြားခဲ့ရတာပေါ့နော်။

ဖြေ။ ။ ဟုတ်ပါ့။ ဒါထက်ပိုလို့ သိရပါဦးမယ်။
နောက်ထပ် ကိုးအသင်္ချေ ထပ်လာပြီနော်။

(၁) သဗ္ဗဘဒ္ဒ အသင်္ချေ
(၂) သဗ္ဗဖုလ္လ အသင်္ချေ
(၃) သဗ္ဗရတန အသင်္ချေ
(၄) ဥသဘက္ခန္ဓ အသင်္ချေ
(၅) ခန္ဓုတ္တမ အသင်္ချေ
(၆) မာဏိတ အသင်္ချေ
(၇) ဘဒ္ဒ အသင်္ချေ
(၈) ပဒုမ အသင်္ချေ
(၉) သဗ္ဗ ဘလ္လ အသင်္ချေ

ဆိုပြီး (၉) အသင်္ချေထက်၌ ပွင့်တော်မူသော “ပေါရာဏသကျ ဂေါတမ” အစရှိကုန် သော သုံးသိန်း ရှစ်သောင်း ခုနှစ်ထောင် ကုန်သော ဘုရားရှင်တို့နှင့် တွေ့ကြုံပြန်လျှင် ထိုဘုရားရှင်တို့ အား ပစ္စည်းလေးပါး တို့ဖြင့် မြှောက်စားပူဇော်ကာ တရားနာ၍ “နောင်သောအခါ ငါလည်း ထို့သွင် လူတွင် ထင်ရှား ဘုရားစင်စစ် ဖြစ်စေသော်” ဟု “နုတ်ရော စိတ်ပါ” ပတ္တနာ၍ ပါရမီဆယ်ပါး အပြားသုံးဆယ်၊ ငါးသွယ်သော ပရိစ္စာဂ စရိယတို့ကို နိစ္စကြိုးကုတ် အားထုတ် တော်မူသဖြင့် သုမေဓာ ရှင်ရသေ့ အဖြစ်သို့ ရောက်တော်မူခဲ့ပါတယ်နော်။

မေး။ ။ ဟင် ဒါဆို ကျနော် နည်းနည်း ပြန်ချုပ်ကြည့်မယ်နော်။ ပထမ ဘုရားဖြစ်ချင်စိတ်နဲ့ ဖြည့်ကျင့် တာက (၇)အသင်္ချေနော်။ နောက်ထပ် (၉) အသင်္ချေကကျတော့ နုတ်ရော စိတ်ပါ (၂)မျိုးလုံးနဲ့ ဖြည့် ခဲ့တယ်လို့ ပြောတာပေါ့နော်။ အဲဒီ (၉) အသင်္ချေကျမှ နုတ်တော်က ထုတ်ဖော်ပြီး ဖြည့်လာတာပေါ့။ ဟုတ်လား။
ဖြေ။ ။ အင်း ဟုတ်တယ်။ ပထမ(၆) အသင်္ချေတုန်းကတော့ တရားတော်တွေ နာကြားပြီးမှ ဘုရား ဖြစ်ချင်တဲ့ စိတ်နဲ့ ဖြည့်ခဲ့တာပေါ့။ နောက်ထပ် (၉)အသင်္ချေမှာကျတော့ နုတ်ကပါ ထုတ်ဖော်လို့ ပစ္စည်းလေးပါးတို့ ထောက်ပံ့ကာ ပါရမီတွေ ဖြည့်ကျင့်လာခဲ့တယ်လေ။

မေး။ ။ အော်..ဒါကြောင့် ဘုရားဖြစ်ဖို့ မလွယ်ပါလားလို့ ပိုတောင် သိမြင်လာရပါပြီ။ တော်ရုံစိတ်ဓါတ် နဲ့ တော့ဖြင့် မရနိုင်ပါနော်။ ဒီလောက်တောင် အချိန်တွေရင်းနှီးခဲ့ရတာဆိုတော့။ ခုမှ ကြည်ညို လိုက်တာ မပြောနဲ့တော့။ ဒါဆို နောက်ထပ် ဘယ်လောက် ဖြည့်ဖို့ ကျန်သေးတာလဲဗျ။

ဖြေ။ ။ အင်း ဆက်ကြတာပေါ့။ အဲဒါက သုမေဓာရှင်ရသေ့ဘ၀ကို ရောက်ပြီနော်။ အဲဒီဘ၀မှာပဲ နိယတဗျာဒိတ်တော်ခံယူခဲ့တယ်။ အဲဒီအကြောင်းလေးတော့ ကြားဖူးပြီးဖြစ်မှာပါနော်။ သုမေဓာရှင် ရသေ့ဘ၀ နိယတဗျာဒိတ်ခံယူခဲ့ပုံလေးကိုလေ။

မေး။ ။ အဲဗျာ ကြားသာ ကြားဖူးတာဗျ။ သေချာကျ မသိဘူးရယ်။ ဖြစ်နိုင်ရင် ရှင်းပြပါဦး။

ဖြေ။ ။ ဒါဆို ဒီလိုလုပ် အဲဒီသုမေဓာဘ၀ နိယတ ဗျာဒိတ်ခံပုံအကြောင်းက နောက်နေ့မှ ဆက်ပြောဖို့ ထားလိုက်တော့။ ခုက ပါရမီဖြည့်တဲ့ ကာလတွေ အကြောင်း ပြီးအောင် ပြောမှ ရှင်းလိမ့်မယ်။

မေး။ ။ရပါတယ်။ ဘယ်လိုပဲ လုပ်လုပ်ပါ။ ကျနော်က သိရသမျှ ကိုယ့်အတွက် ကြည်ညိုစရာချည်း ပဲမို့ အဆင်ပြေသလိုသာ ပြောဗျာ။

ဖြေ။ ။ ဒါဆို ဆက်မယ်နော်။ ဟိုရှေ့က ပါရမီဖြည့်လာတာက (၆) အသင်္ချေရယ်၊ (၉) အသင်္ချေရယ်။ အဲဒီကနေမှ နိယတ ဗျာဒိတ်တော် ခံယူရတဲ့ ဘ၀ကို ရောက်လာခဲ့ပြီ။ ခုက နောက်ထပ် ပါရမီဖြည့်ခဲ့တဲ့ (၄)အသင်္ချေနဲ့ ကမ္ဘာတစ်သိန်းကို ပြောကြမယ်။
(၁) သေလ အသင်္ချေ
(၂)ဘာသ အသေင်္ချေ
(၃) ဇေယျ အသင်္ချေ
(၄) ရုစိယ အသင်္ချေ 
ဆိုပြီး လေးအသင်္ချေနှင့် ကမ္ဘာတစ်သိန်းထက်၌ ပွင့်တော်မူကြကုန်သော နှစ်ကျိပ် ခုနှစ်ဆူကုန်သော ဘုရားရှင်တို့တွင် ဒီပင်္ကရာ မြတ်စွာဘုရားမှစ၍ နိယတဗျာဒိတ်ကို ခံရလျက် ဗောဓိ သမ္ဘာရ အပေါင်းကို ဖြည့်တော်မူသော အစဉ်လာသဖြင့် ဤကမ္ဘာ၀ယ် 
(၁) မဟာသမ္မတမင်းက တစ်ကြိမ်
(၂) သုဒဿန၀ရမန္ဓာတ်မင်းက တစ်ကြိမ်
(၃) မဃဒေ၀မင်းက တစ်ကြိမ်
(၄) နေမိမင်း
(၅) တေမိမင်း
(၆) သိဝိရာဇ်
(၇) စန္ဒကုမာရ
(၈) မဟာဂေါဝိန္ဒ
(၉) အကိုတ္တိဗြာဟ္မဏ
(၁၀) သင်္ခဗြာဟ္မဏ
(၁၁) ဓနဉ္စယ
(၁၂) သသရာဇ
(၁၃) ဟတ္ထိပါလ
(၁၄) ဘူရိဒတ္တ
(၁၅) စမ္ပေယျ
(၁၆) စူဠဗောဓိ
(၁၇) မဟိံသ
(၁၈) ရုရုမိဂ
(၁၉) မာတင်္ဂ
(၂၀) ဓမ္မဓဇ
(၂၁) ဇယဒိသ
(၂၂) သင်္ခပါလ
(၂၃) ယုဓဉ္စယ
(၂၄) သောမနဿ
(၂၅) အယောဃရ
(၂၆) သောဏဒန္တ
(၂၇) ကပိရာဇ
(၂၈) သစ္စယုဝ
(၂၉) ၀ဋပေါတက
(၃၀) မစ္ဆရာဇ
(၃၁) ကဏှဒီပါယန
(၃၂) မဟာသုတသောမ
(၃၃) သုဝဏ္ဍစသာမ
(၃၄) ဧကရာဇ
(၃၅) မဟာလောမဟံသ 
တစ်ကြိမ်စီအားဖြင့် သုံးဆယ့်ငါးဇာတ် ဖြစ်တော်မူ၍ ဆောက်ဦရင့်မာသဖြင့် “ဝေဿန္တရာမင်း” ၏ အဖြစ်သို့ ရောက်တော်မူ၏။ ဝေဿန္တရာမင်းဘ၀ကတော့ ပါရမီဖြည့်ကျင့်ရာ၏ နောက်ဆုံးဘ၀ ပဲပေါ့။
ကဲ ဒီမှာကြည့်ရင် စုစုပေါင်း ပါရမီဖြည့်ရတဲ့ အသင်္ချေကို ရေတွက်လိုက်တော့ နှစ်ဆယ် အသင်္ချေနဲ့ ကမ္ဘာ တစ်သိန်း ပါရမီဖြည့်ကျင့်ခဲ့ရတာ တွေ့ရလိမ့်မယ်နော်။ အဲဒါမှာ ဒို့ ဘုရားအလောင်း တော်ဟာ ပညာဓိက မို့လို့ နိယတ ဗျာဒိတ်ကို ခံယူပြီးနောက်မှာ လေးအသင်္ချေနဲ့ ကမ္ဘာတစ်သိန်း ဖြည့်ကျင့်ခဲ့ရတယ်။ အကယ်လို့ သဒ္ဓါဓိကဘုရားလောင်းတော်သာ ဖြစ်ခဲ့ရင် ရှစ်အသင်္ချေနဲ့ ကမ္ဘာ တစ်သိန်း၊ ဝီရိယဓိကဘုရားလောင်းတော်ကျပြန်တော့ တစ်ဆယ့်ခြောက်အသင်္ချေနဲ့ ကမ္ဘာ တစ်သိန်း ပါရမီတွေ ဖြည့်ကျင့်ကြရတယ်လို့ မှတ်ထားတာပေါ့။ ပြောချင်တာကတော့ နိယတ ဗျာဒိတ်ကို ရပြီးမှ ပါရမီတော်တွေကို ဖြည့်ကျင့်ခဲ့တဲ့ ကာလကို ပြောနေတာပါနော်။ တစ်ကယ်တော့ အလောင်းတော် အားလုံးဟာ ဘုရားဖြစ်ချင်ရင် စုစုပေါင်း နှစ်ဆယ်အသင်္ချေနဲ့ ကမ္ဘာတစ်သိန်း ပါရမီတော်တွေကို ဖြည့်ရမှာမို့ ပါရမီဖြည့်တမ်းဟာ အထူးအပြားမရှိ။ အသင်္ချေ နှစ်ဆယ်စီတော့ အညီအမျှ ဖြည့်ကြရတာပါပဲတဲ့။

မေး။ ။ကျနော်တို့ ထင်ထားတဲ့ လေးအသင်္ချေဆိုတာတောင် တော်တော်များလှပြီး မှတ်နေတာ။ ခုမှ နှစ်ဆယ် အသင်္ချေတောင်ဆိုတာ သိလိုက်ရတော့ ဘာပြောကောင်းမလဲ။ ကျနော့ရင် ထဲ ဟာ့ထိသွားပြီဗျာ။ တကယ့်ကို သဒ္ဓါစိတ်တွေ ပြည့်လျှံလို့ လာရပြန်ပါပေါ့လား။

ဖြေ။ ။ ကဲ ဒီနေ့သိလိုက်ရတာလေးအရ ထပ်ပြီး ဖြေကြည့်ကြပါဦးစို့နော်။ “လူတိုင်းဘုရားဖြစ်နိုင်ပါ သလား”ဆိုတဲ့ မေးခွန်းလေးကို။ 
ကဲ အားလုံးပဲ ဒီနေ့ ဆွေးနွေးဖြစ်ကြတဲ့ ပါရမီဖြည့်စဉ် ကာလ အကြောင်းအရာလေးနဲ့ ပတ်သက်လို့ ကျနော့အသိလေးများ လိုတာ ရှိရင် လမ်းညွှန်ဖြည့်ဆည်းပေးကြ ပါဦးလို့ ပြောကြားရင်း နဲ့ မြတ်ဘုရားအလောင်းတော်ရဲ့ ထူးခြားဂုဏ်အင် ပါရမီဖြည့်စဉ်ကာလလေးအကြောင်း ဒီမှာပဲ ရပ်နားခွင့် ပြုကြပါစို့လား။

                                                       by Dimplemit
                                         ...........................................

 သုံးသတ်ချက်(My Opinion)
ပြောရမယ်ဆိုရင်တော့ - PHD ရဖို့ဆိုတာ သူငယ်တန်း ကနေ ၁၀တန်းထိ အောင် ထားရမယ်၊ ပြီးရင် Bachelor Degree ရဖို့ လေးနှစ်လောက် အချိန်ပေးကြိုးစားရမယ် နောက်  Master ၂ နှစ် ပြီးမှ ကိုယ်လိုက်တဲ့ Line ပေါ်မှုတည်ပြီး ၂နှစ် ၃နှစ် ထိကြိုးစားပြီးအောင်မှ PHD ဆိုတဲ့ ဘွဲ့  ကိုရနိုင်ပါတယ်။ ဘုရားဖြစ်ဖို့ ဆိုတာလည်း ဒီလို အခြေခံကနေ အဆင့်ဆင့် ကြိုးစားအားထုတ် လာရတာပဲပေါ့ဗျာ။
...............................................
လေးသင်္ချေ ကို ဘယ်လိုတွက်မလဲ
၁ ။ ဒီပင်္ကရာဘုရားရှင် နှင့် ကောဏ္ဍည ဘုရားရှင်နှစ်ဆူတို့၏ ကြားကာလ - တစ်သင်္ချေ ။
၂ ။ ကောဏ္ဍည ဘုရားရှင်နှင့် မင်္ဂလ ဘုရားရှင်နှစ်ဆူ တို့၏ ကြားကာလ - တစ်သင်္ချေ ။
၃ ။ သောဘိတ ဘုရားရှင်နှင့် အနောမဒဿီ ဘုရားရှင်နှစ်ဆူ တို့၏ ကြားကာလ တစ်သင်္ချေ ။
၎ ။ နာရဒ ဘုရားရှင် နှင့် ပဒုမုတ္တရ ဘုရားရှင် နှစ်ဆူတို့၏ ကြားကာလ - တစ်သင်္ချေ ။
၅ ။ ပဒုမုတ္တရ ဘုရားရှင်ပွင့်တော်မူပြီးနောက် ကမ္ဘာပေါင်း တစ်သိန်း ။

သင်္ချေ ဆိုတဲ့ အရေအတွက်ဟာ ၁ရဲ့ နောက်မှာ သုည အလုံးရေပေါင်း ၁၄၀ ရှိတယ်လို့ ဆရာတော်က ဟောကြားခဲ့တယ်။ လေးသင်္ချေ ဆိုတော့ ၄ ရဲ့ အနောက်မှာ သုည အလုံးပေါင်း ၁၄၀ရှိမယ်။ ဒါတွေဟာ ခုနှစ်တွေ မဟုတ်ဘူးနော်။ ကမ္ဘာလုံး အရေအတွက် ကိုပြောတာ။ ကမ္ဘာလုံး အရေတွက် လေးသင်္ချေ နဲ့ ကမ္ဘာတစ်သိန်း နေထိုင်ကျင့်ကြံ လာပြီးမှ လောကမှာ တုနှိုင်းစရာမရှိတဲ့ တစ်ပါးတည်းသော ဗုဒ္ဓုမြတ်စွာဘုရားဆိုတာကို သိရှိနားလည်ခဲ့ရတယ်။



                                  နှစ်ကျိပ်ရှစ်(၂၈) ဆူ ဟူသည်မှာ အဘယ်နည်း ...
                                              .................................